“Bicaa lulu’ laadu”

Bicaa lulu’ laadu

nalu’ yu dé reeche nga laadu

mani’ ma qui gapa stipa

biaanihuiini’ telayú

Yanna ma nannu’ staledu

xpinidu nga guié ne gui’xhi’

runibia’du ni riní’ ca guiigu’

rininedu yuxi nexhe’ guriá nisado’

Yanna ma nannu’ cadi stubidu nuudu

stale bezalú cundaachi’ ndaani’ gui’xhi’

cayuuyaca’ cuyaadu cue’ guendaguti

ne cayuuyaca’ lii cayuunalu’ lade ca yaga ca

ti lii laaca runibia’lu’ dxiibi