Geoffrey Chaucer(ea, 1343–1400)

To Rosamond

Madame, ye been of alle beautee shrine

As fer as cercled is the mapernounde:

For as the crystal glorious ye shine,

And like ruby been youre cheekes rounde.are

Therwith ye been so merye and so jocounde

That at a revel whan that I see you daunce

It is an oinement unto my wounde,

Though ye to me ne do no daliaunce.

For though I weepe of teres ful a tine,tub

Yit may that wo myn herte nat confounde;

Youre serny vois, that ye so smale outtwine,small

Maketh my thought in joye and blis habounde:abound

So curteisly I go with love bounde

That to myself I saye in my penaunce,

"Suffiseth me to love you, Rosemounde,

Though ye to me ne do no daliaunce.

Was nevere pik walwed in galauntine '

As I in love am walwed and ywounde,

For which ful ofte I of myself divine

That I am trewe Tristam- the secounde;

My love may not refreide nor affounde;cool/chill

I brenne ay in amorous plesaunce:burn

Do what you list, I wol youre thral be founde,slave

Though ye to me ne do no daliaunce.